ABVP ડીસા શાખા દ્વારા ડીસાના ધારાસભ્યને આવેદનપત્ર પાઠવ્યું
અખિલ ભારતીય વિદ્યાર્થી પરિષદ ડીસા શાખા દ્વારા તારીખ :- 18/02/2020 ના રોજ વર્તમાન ધારાસભ્ય શશીકાંતભાઈ પંડ્યાને એન્જિનિયરિંગ કોલેજોમાં ઈન્ટેક 50 ટકા સીટોનો કરવામાં આવેલ ઘટાડા સંદર્ભે આવેદનપત્ર પાઠવ્યું હતું, જેમાં એબીવીપી ડીસા શાખાએ ડીસાના વર્તમાન ધારાસભ્ય શશીકાંતભાઈ પંડયાને આવેદનપત્ર પાઠવી સરકાર દ્વારા નિર્ણય પર પુનઃ વિચારણા કરી નિર્ણય ત્વરિત બદલવા માંગ કરી હતી.
જેમાં ગુજરાત પ્રદેશમાંથી યુવાઓથી સંબંધિત મહત્વપૂર્ણ વિષય પર અભાવિપ એ આપનો ધ્યાન કેન્દ્રિત કરી ત્વરિત અને આશા પ્રમાણેના નિર્ણયની અપેક્ષા દાખવી હતી, વધુમાં ગુજરાતભરની 11 કોલેજોની 14 બ્રાંચમાં ડિગ્રી ઇજનેરી કોલેજની 2549 તથા ડિપ્લોમાંની 6837 બેઠકો ઘટાડવામાં આવી છે તથા પૂર્વમાં સરકાર દ્વારા સ્વનિર્ભર કોલેજોને 50 ટકા કોટાની લાણી કરવામાં આવી છે તેમજ આ નિયમથી સ્પષ્ટ ખાનગીકરણને પ્રોત્સાહન પુરુ પાડયું હોવાનું જણાવ્યું હતું.
અત્યારે આદિવાસી વિસ્તારમાં શિક્ષણથી લઇ દરેક ક્ષેત્રમાં મહત્વ અપાયું છે ત્યારે ગોધરા, દાહોદ, વલસાડ, વ્યારા, છોટાઉદેપુર જેવા જનજાતિ જિલ્લાઓની કોલેજોમાં પણ બેઠકો ઘટાડી હોઈ તેમજ EC જેવી બ્રાન્ચમાં ડીગ્રી એન્જિનિયરિંગના 150 જેટલા પ્રાધ્યાપકો માટે કોઈ કામ ન રહેતાં તેમના પગારનો બોજો સરકારના માથે વધતો હોઈ વિધાર્થી પરિષદ ડીસા શાખા દ્વારા અપાયેલા આવેદનપત્રમાં એબીવીપી બનાસકાંઠા જિલ્લા સંયોજક ધવલભાઈ જોષી, નગરમંત્રી અંકુરભાઈ દેસાઈ સહિત તમામ કાર્યકર્તાની ઉપસ્થિતિમાં ડીસાના ધારાસભ્ય શશીકાંતભાઈ પંડ્યાને આવેદનપત્ર પાઠવી સરકાર દ્વારા આ નિર્ણય પર પુનઃ વિચારણા કરી ત્વરિત નિર્ણય બદલવાની માંગ કરી હતી.
રિપોર્ટ : તુલસી.બોધુ, બ.કાં
(લોકાર્પણ દૈનિક)
