જનપ્રતિનિધિઓના પ્રશ્નોનુ હકારાત્મક અને ત્વરાથી નિરાકરણ લાવવા અધિકારીઓને નિર્દેશ
વડોદરા,
જિલ્લા સંકલન સમિતિની બેઠક કલેક્ટર શ્રીમતિ શાલિની અગ્રવાલના અધ્યક્ષ સ્થાને મળી હતી. બેઠકમાં જનપ્રતિનિધિ તરફથી રજૂ થયેલા પ્રશ્નોના યોગ્ય અને હકારાત્મક નિરાકરણ માટે સંબંધિક અધિકારીશ્રીઓને સૂચના અને જરૂરી માર્ગદર્શન તેમજ ત્વરાથી પ્રશ્નોનુ સમાધાન કરવા ઉપર કલેક્ટર શ્રીમતિ અગ્રવાલે ભાર મૂક્યો હતો.
સાવલીના ધારાસભ્ય શ્રી કેતનભાઈ ઈનામદાર તરફથી રજૂ થયેલા પ્રશ્નોમાં મંજૂસર-સાવલી ફોરલેન હાઇવેમાં પડી ગયેલા ભૂવા અને સમયમર્યાદામાં કામ પૂર્ણ કરવા તેમજ સંબંધિત એજન્સી દ્વારા કામ કરવામાં આવતી ઢીલાશની રજૂઆત કરી હતી. આ અંગે કલેક્ટર શ્રીમતિ અગ્રવાલે સંબંધિત અધિકારીઓને થયેલા કામનો વિગતવાર રિપોર્ટ રજૂ કરવા અને તપાસ કરતા જરૂરિયાત જણાય તો એજન્સી સામે કાયદાકિય કાર્યવાહી કરવાના નિર્દેશ આપ્યા હતા. તેમજ સાવલી-ડેસર વિસ્તારની નર્મદા નહેરને સાફ-સફાઈ અને પડી ગયેલા ગાબડા સહિતની મરામત્તની કામગીરી ઝડપભેર કરવા સૂચના આપી હતી. તેમજ થયેલા કામ અંગેનો વિગતવાર રિપોર્ટ કરવા અને જ્યારે કામગીરી કરવામાં આવે તેની વિડિયોગ્રાફી કરવાનુ પણ જણાવ્યું હતુ
ઝુપડપટ્ટીના વિસ્તારમાં વીજ કનેક્શન આપવામાં વિલંબ થતો હોય જે અંગે એમજીવીસીજીએલના અધિકારીઓને હકારાત્મક રીતે આવેલ વીજ કનેક્શનની માગ નિકાલ કરવા અને પ્રાંત અધિકારી- સાથે બેઠક યોજી આ પ્રશ્નોનુ નિરાકરણ કરવા નિર્દેશ આપ્યા હતાં. તેમજ સાવલી-ડેસરમાં લોન અને બેન્કિંગ સંબંધિત અન્ય કામકાજમાં જે અ઼ડચણો આવેલી તેને બેન્કના અધિકારી-મેનેજર બેઠક યોજીને પ્રશ્નોનુ નિરાકરણ કરવા પ્રાંત અધિકારી-સાવલીને સૂચના આપી હતી.
કલેક્ટર શ્રીમતિ શાલિની અગ્રવાલે સાવલી- ડેસર સહિત સમગ્ર જિલ્લામાં ખેત તલાવડી, સમતળ જમીન સહિતના કામ મનરેગા યોજના અંતર્ગત વધુમાં વધુ થાય અને તેનો ખેડૂતોને મહત્તમ લાભ મળે તેવુ આયોજન કરવા સૂચના આપી હતી. આ ઉપરાંત જાંબુગોરલ તળાવના તૂટી ગયેલા પાળાની મરામત કરવા નિર્દેશ આપ્યા હતા. ઉપરાંત શ્રીમતિ અગ્રવાલે જે ગ્રામ પંચાયતના વિસ્તારમાં કંપનીઓ આવેલી છે તેના વ્યાવસાયિક વેરા, મિલકત વેરા સહિતની નવેસરથી આકારણી કરવા જણાવ્યું હતું. જેથી પંચાયતના નાણકિય સ્થિતિ સુદ્રઢ કરી શકાય અને વધુ લોકપયોગી કર્યો થઈ શકે.
ધારાસભ્ય શ્રી કેતન ઇનામદારે કંપનીઓમાંથી એનકેન પ્રકારે મજૂરને છૂટા કરવામાં આવતા હોવા અંગે ધ્યાન દોર્યું હતું. ઉપરાંત આવાસ યોજના ખરા લાભાર્થી યોજનાના લાભથી વંચિત ન રહે તેની તકેદારી રાખવા અને જાહેર વાહન વ્યવસ્થાનો લાભ લોકોને સમયબદ્ધ રીતે મળે તે પરેત્વની રજૂઆત અંગે સંબંધિત અધિકારીઓ સંકલન કરીને યોગ્ય નિરાકરણ કરવા કલેક્ટર શ્રીમતિ અગ્રવાલે જણાવ્યું હતું.
પાદરના ધારસભ્ય શ્રી જસપાલસિંહએ મહિસાગર નદિ કિનારા સહિતના ખેડૂતોને પૂરથી નુકશાનનો પ્રશ્ન ઉપસ્થિત કર્યો હતો. જે પરત્વે સર્વેની કામગીરી હાથ ધરવામાં આવી રહી હોવાનું સંબંધતિ અધિકારીશ્રીએ પ્રત્યુત્તર પાઠવ્યો હતો.
આ બેઠકમાં જિલ્લા વિકાસ અધિકરી શ્રી કિરણ ઝવેરી, અધિક નિવાસી કલેક્ટર ડ઼ી. આર. પટેલ, ડેપ્યુટી પોલીસ કમિશનર શ્રી મનીષસિંઘ, પ્રાંત અધિકારીશ્રીઓ, મામલતદારશ્રીઓ, તાલુકા વિકાસ અદિકારીશ્રીઓ સહિત સંબંધિત સંકલનના અધિકારીશ્રી ઉપસ્થિત રહ્યા હતા.
