યૂનાઇટેડ નેન્શન – વૈશ્વિકસ્તરે પ્રત્યેક ત્રણ પૈકી એક બાળક કુપોષણ અથવા સ્થૂળતા ધરાવે છે
પાંચ વર્ષ કરતાં ઓછી ઉંમર ધરાવતા આશરે ૭૦૦ મિલિયન બાળકો પૈકી ત્રીજા ભાગના બાળકો કુપોષણ અથવા વધારે પડતા વજન (સ્થૂળતા) કે જીવન પર્યંત આરોગ્ય સંબંધિત સમસ્યાથી પિડીત છે, તેમ બાળકોમાં કુપોષણ અંગે યુનાઈટેડ નેશન્સ દ્વારા જારી કરવામાં આવેલા અહેવાલમાં આ માહિતી આપવામાં આવી છે. જા બાળકોને પૂરતું ભોજન નહીં લે તો તેઓનું જીવન પણ એકંદરે નબળુ જ રહેશે, તેમ યુનિસેફના એક્ઝ્કયુટીવ ડિરેક્ટર હેનરીટ્ટ ફોરે જણાવ્યું હતું.
આપણે આરોગ્યપ્રદ ભોજન માટેની લડતમાં સ્થિતિ ગુમાવી રહ્યા છીએ. આ સ્થિતિ ગરીબ અને મધ્યમ-આવક ધરાવતા દેશોમાં સવિશેષ જાવા મળે છે. વૈશ્વિક અર્થતંત્રને પ્રત્યેક વર્ષ કુપોષણનો આશરે ૩.૫ ટ્રીલિયન ડોલરનો બોજ પડે છે. વર્ષ ૧૯૯૦ થી ૨૦૧૫ દરમિયાન ગરીબ દેશોમાં આશરે ૪૦ ટકા જેટલો ઘટાડો થયો હોવા છતાં હજું પણ આશરે ૧૪૯ મિલિયન જેટલા ચાર વર્ષ અથવા મોટી ઉંમરના બાળકો કુપોષણનો ભોગ બને છે અથવા તો આરોગ્યની દષ્ટિએ માનસિક અને શારીરિક રીતે મુશ્કેલી ધરાવે છે. દાખલા તરીકે યુદ્ધગ્રસ્ત યમનમાં તમામ પ્રિ-સ્કૂલ બાળકો પૈકી ૪૬ ટકા બાળકોને આ પ્રકારની વિવિધ સમસ્યાઓનો સામનો કરવો પડ્યો હતો, તેમ વર્ષ ૨૦૧૩ થી ૨૦૧૮ ની આંકડાકીય માહિતીમાં જાણવા મળ્યું હતું. વિશ્વભરમાં વધુ ૫૦ મિલિયન બાળકો વેસ્ટીંગ, દુબળાપણા તેમ જ માંદગીનો સામનો કરી રહ્યા છે.
તમામ વર્ગજૂથમાં આશરે ૮૦૦ મિલિયન કરતાં વધારે લોકો સતત ભૂખ્યા રહે છે અને અન્ય આશરે બે બિલિયન લોકો અયોગ્ય આહાર ટેવ, મેદસ્વીતા, હૃદય સંબંધિત બિમારીઓ તથા ડાયાબિટીસ રોગનો સામનો કરી રહ્યા છે.
આ તમામ સ્થિતિથી તદ્દન વિપરીત જાપાનમાં શીશુ મૃત્યુ દર સૌથી ઓછો છે ત્યારે પાંચથી ૧૯ વર્ષ વચ્ચે ૧૪.૪૨ ટકા બાળકો સ્થૂળતા ધરાવે છે, જે વિકસિત દેશોમાં સૌથી નીચો દર છે. નિષ્ણાતો જાપાનમાં બાળકોની તંદુરસ્તી અને પોષણના ઉચ્ચ સ્કોર માટે તેમની શાળાના લંચ પ્રોગ્રામ તથા આરોગ્યપ્રદ ભોજનને ક્રેડિટ આપે છે.